20 авг 14:26
Янгиликлар
![](/upload/storage/308691_220.jpg)
Дунёнинг биринчи ракеткаси Цинциннати "Мастерс" ғолиби!
Дунёнинг биринчи ракеткаси ҳал қилувчи финал учрашувида ATP рейтингининг 20-поғонасидан жой олган америкалик Фрэнсис Тиафодан устун келди - 7/6(4), 6/2. Теннисчиларнинг ўзаро учрашувларида Янник олдинда бормоқда - 4:1.
Тўқсон саккиз дақиқа давом этган баҳсда Синнер 13, Тиафо 5 та эйс зарбасини амалга оширган. Иккала теннисчи ҳам 2 тадан қўшхатога йўл қўйди. Брейклар бўйича устунлик Янник томонда бўлди - 2 га 0.
Шу тариқа, Синнер фаолиятидаги 15-совринни қўлга киритди. Бу унинг мавсумдаги бешинчи, "Мастерс" сериясига кирувчи турнирлардаги учинчи соврини бўлди. Италиялик теннисчи 1000 рейтинг очкоси ва 1 миллион 49 минг 460 АҚШ долларига эга чиқди. Тиафо эса Цинциннатидаги бир ҳафталик меҳнатидан 650 очко ва 573,090 доллар ишлаб олди.
Фикрлар