31 мар 11:34
Янгиликлар

Теннис

Дунёнинг биринчи ракеткаси Майами "Мастерс" 1/2 финалида

АҚШнинг Майами шаҳрида ўтказилаётган теннис бўйича "Мастерс" сериясига кирувчи турнир ўзининг ҳал қилувчи палласига кирди.

Дунёнинг биринчи ракеткаси, испаниялик Карлос Алькараз 1/4 финалда рейтингнинг 10-поғонасида бораётган АҚШ вакили Тэйлор Фритцни 6/4, 6/2 ҳисобида мағлубиятга учратди.

Бу теннисчиларнинг ўзаро ўтказган илк расмий учрашуви эди. Бир соату 19 дақиқа давом этган баҳсда Алькараз 6, Фритц эса 4 та эйс зарбасини амалга оширган. Энди Карлос Miami Open финал чиптаси учун италиялик Янник Синнерга қарши кортга чиқади.