28 апр 15:01
Янгиликлар

Теннис

Дунёнинг биринчи ракеткаси Mutua Madrid Open 1/8 финалида

Сайёрамизнинг биринчи рақамли теннис маликаси Ига Свёнтек Мадриддаги WTA 1000 тоифасига кирувчи турнирнинг 1/8 финал иштирокчисига айланди.

Польшалик теннисчи Mutua Madrid Open турнирининг учинчи даврасида WTA рейтингида 30-ўринни эгаллаб турган руминиялик Сорана Кирстяга ҳеч қандай имконият қолдирмади - 6/1, 6/1. Теннисчиларнинг ўзаро учрашувларидаги ҳисоб янада йириклашди - 4:0.

77 дақиқалик учрашув статистикаси:

Ига Свёнтек - эйс йўқ, қўшхато йўқ, 6 та брейк

Сорана Кирстя - эйс йўқ, 2 та қўшхато, 1 та брейк

Энди Свёнтек 1/8 финалда Сара Соррибес-Тормога қарши кортга чиқади. Испаниялик теннисчи ўз ўрнида иккинчи босқич баҳсида беларуслик Виктория Азаренкони 7/6(0), 6/3 ҳисобида тасим этди.