Дунёнинг биринчи ракеткаси Рим "Мастерс" 1/8 финалида

Италиялик теннисчи учинчи даврада ATP рейтингида 93-поғонада бораётган нидерландиялик Йеспер де Йонгни ортиқча қийинчиликсиз мағлубиятга учратди - 6/4, 6/2. Бу теннисчиларнинг ўзаро ўтказган иккинчи учрашуви эди - 2:0. 

Тўқсон дақиқа давом этган баҳсда Синнер 4, Де Йонг 1 та эйс зарбасини амалга оширган. Иккала теннисчи ҳам биттадан қўшхатога йўл қўйди. Брейклар бўйича устунлик табиийки, Янник томонида бўлди - 5 га 2. Энди у 1/8 финалда рейтингнинг 18-поғонасида бораётган аргентиналик Франциско Серундолога қарши кортга чиқади.