Дунёнинг биринчи ракеткасида яна бир соврин

Сайёрамизнинг биринчи рақамли теннис маликаси Ига Свёнтек бош соврин соҳибасига айланди. Польшалик теннисчи 109 дақиқа давом этган финал учрашувида WTA рейтингида 77-поғонада бораётган хорватиялик Донна Векични 6/3, 3/6, 6/0 ҳисобида таслим этди. 

Теннисчиларнинг ўзаро учрашувларидаги ҳисоб йириклашди - 3:0. Свёнтек баҳс давомида 3 та эйс ва 4 та брейкка эришди. Қўшхатога йўл қўймади. Сан-Диегодаги муваффақиятли иштирок Свёнтекка 470 рейтинг очкоси ҳамда 116,340 доллар мукофот пули келтирди.