Двалишвили нега Волкановски билан жанг қилмаслигини тушунтирди

"Ҳозир мен ўз вазн тоифамда ўзимни жуда қулай ҳис қиламан. Биринчидан, мен Александр Волкановскини жуда ҳурмат қиламан ва унга ҳавас қиламан. У яхши инсон, аъло жангчи ва меҳрибон ота. Шунинг учун мен унга ҳеч қачон чақириқ ташлай олмайман. Иккинчидан, менда Пётр Ян деган жиддий рақиб бор. Шу жангдан сўнг UFC мен учун муносиб рақиб топади, деб ишонаман.

Мен ўз вазн тоифамга асосий эътиборимни қаратмоқчиман. Фақатгина UFC буни талаб қилса ёки менинг дивизионимда кучли рақиб қолмаса ва ҳаммасини енгиб бўлсам, шундагина [ярим енгил вазнга] кўтарилишни ўйлаб кўраман. Аммо ҳозирча Александр Волкановски билан жанг қилмоқчи эмасман", — деди Двалишвили.