Дзюдо. Медалдан маҳрум бўлган Штурбабин, бронза билан чекланган Нуриллаев. Чемпионлик кимга насиб этди?

Чемпионликка асосий давогарлар орасида аёвсиз курашлар бўлиб ўтди. Жумладан -66кг вазн тоифасидаги баҳслар муросасизлиги билан ажралиб турди. Айнан ушбу вазнда кечган беллашувларга эътиборингизни қаратмоқчимиз. 

Чемпионликка қадар ғолибликка даъвогар Муҳиддин Тиловов чорак финалда жиддий рақиб Бобур Важийев билан муросасиз жанг олиб борди. Кураш “Golden Scort”гача борди. Якунда эса Тилововнинг тажрибаси қўл келди ва айнан у ярим финалга йўл олди. 

Яна бир чорак финал Артём Штурбабин ва Сардор Нуриллаев ўртасида кечди. Финалга таққосласа бўладиган бахс Штурбабиннинг "иппон"и билан якунланди. Аммо ярим финалда Артёмни жиддий рақиб Раҳим Субҳонов иккита “вазари” эвазига финалдан махрум қилди. 

Иккинчи ярим финалда Тиловов Баҳром Ботуровга қарши татамига чиқди. Ушбу тўқнашувда Ботуров Тиллововни ярим финалда қолдириши мумкин эди. Аммо таъкидлаганимиздек, тажриба ўз сўзини айтди ва охирги 10 сонияда Тилолов ғалабани илиб кетди. 

Финал олдидан учинчи ўрин учун Сардор Нуриллаев Баҳром Бойқулов курашди. Тенг курашлар остида ўтган баҳсда Нуриллаев рақибидан устун келди ва учинчи ўринга эга чиқди. Навбатдаги бронза медали учун баҳсда чемпионликка даъвогар сифатида эътироф этилган Артём Штурбабин учинчи ўриндан ҳам махрум бўлди. Бобур Важийев соф ғалаба билан бронза медалини қўлга киритди.   

Финал барча рақибларидан устун келган Тилловов ҳамда Субҳонов ўртасида кечди. Якунда терма жамоа аъзоси бежизга таркибда эмаслигини исботлади. Тиловов -66кг вазн тоифасида Республика чемпионига айланди. Раҳим Субҳонов кумуш медали билан кифояланди.

Камрон Ҳасанов тайёрлади

Биринчи куннинг ғолиб ва совриндорлари рўйхати бироздан сўнг эътиборингизга ҳавола қилинади.