Дзюдо. Португалиядаги Гран-прининг иккинчи кунини битта медаль билан якунладик

Кун давомида 6 нафар ҳамюртимиз баҳсларда қатнашади. 

Кун якунига кўра, -70 кг вазн тоифасида баҳсларда қатнашган Гулноза Матниёзова финалгача етиб борди ва якунда кумуш медаль эгасига айланди. Нурбек Муртазоев ва Обидхон Нўъмонов 5-ўрин билан кифояланди. 

Ушбу саҳифа орқали ҳамюртларимизнинг натижаларидан бохабар бўлиб туришингиз мумкин бўлди. 

-81 кг вазнли Нурбек Муртазоев бронза учун баҳсда озарбайжонлик дзюдочига ютқазди. 5-ўрин...

-70 кг: Гулноза Матниёзова финалда хорватиялик рақибасига мағлуб бўлди. КУМУШ!

-73 кг вазнли Обидхон Нўъмонов бронза медали учун баҳсда россиялик нейтрал спортчига қарши курашди ва имкониятни бой берди. 5-ўрин!

Кечки дастур:

-73 кг: Обидхон Нўъмонов - Маҳмудбек Маҳмадбеков (нейтрал спортчи) - бронза учун (22:20 дан сўнг)

-70 кг: Гулноза Матниёзова - Барбара Матич (Хорватия) - финал (22:45 дан сўнг)

-81 кг: Нурбек Муртазоев - Саид Муллаи (Озарбайжон) - бронза учун (22:55 дан сўнг)

-70 кг вазнли Гулноза Матниёзова ярим финалда австралиялик рақибасини мағлуб этди ва финалга йўл олди!

-73 кг вазн тоифасида Обидхон Нўъмонов россиялик рақибга мағлуб бўлди. Қайд этиш лозимки, дзюдочилар Golden Score'да 8 дақиқа 47 сония курашишди. Энди вакилимиз бронза медали учун баҳс олиб боради. 

-81 кг: Нурбек Муртазоев ярим финалда туркиялик рақибга имкониятни бой берди. Энди у бронза медали учун курашади.

-70 кг: Гулноза Матниёзова ҳам ярим финалда! У чорак финалда франциялик рақибасини иппон эвазига мағлуб этди!

-73 кг вазнли Обидхон Нўъмонов чорак финалда Шимолий Корея вакилидан устун келди! Ярим финал!

-81 кг вазн тоифасида Нурбек Муртазоев швейцариялик дзюдочини ютди ва ярим финалга йўл олди!

-73 кг вазнли Обидхон Нўъмоновда ҳам ғалаба! У Golden Score'да кореялик рақибини мағлуб этди!

-81 кг вазн тоифасида Нурбек Муртазоев италиялик рақибини мағлубиятга учратиб, тўртинчи босқичга йўл олди!

-70 кг: Гулноза Матниёзова австриялик рақибасини мағлубиятга учратди ва учинчи даврага йўл олди. 

-63 кг вазн тоифасида Севинч Исоқова афсуски британиялик спортчига имконитяни бой берди.

-81 кг вазнли Нурбек Муртазоев иккинчи босқичда россиялик рақибини иппон эвазига мағлуб этди!

-73 кг: Обидхон Нўъмонов испаниялик рақибини мағлубиятга учратди. 

-70 кг: Шоҳиста Назарова нидерландиялик дзюдочига ютқазиб қўйди.

-70 кг: Гулноза Матниёзова мўғулистонлик рақибасидан устун келди ва иккинчи босқичга йўл олди. 

-81 кг вазн тоифасида Шарофиддин Болтабоев илк босқичда италиялик рақибга имкониятни бой бериб қўйди. 

БОШЛАДИК: -81 кг вазн тоифасида Нурбек Муртазоев илк босқичда ямайкалик рақибини мағлуб этди ва иккинчи босқичга йўл олди!

Бугун мусобақада иштирок этадиган ҳамюртларимиз рўйхати: 

-73 кг: Обидхон Нўъмонов

-81 кг: Нурбек Муртазоев

-81 кг: Шарофиддин Болтабоев

-63 кг: Севинч Исоқова

-70 кг: Шоҳиста Назарова

-70 кг: Гулноза Матниёзова.

Баҳслар Тошкент вақти билан соат 13:00да бошланади. 

Эслатиб ўтамиз, кеча ўтказилган баҳсларда Дилшод Баратов ва Диёра Келдиёрова олтин медаль қўлга киритганди.