18 сен 11:55
Янгиликлар

Дзюдо

Дзюдочиларимиз жаҳон чемпионатига тайёргарликни давом эттиришяпти + ФОТО

Маълумки, 14-20 октябрь кунлари Тошкент шаҳрида дзюдо бўйича Ҳарбийлар ўртасидаги жаҳон чемпионати ўтказилади.

Айни пайтда терма жамоамиз аъзолари сайёрамизнинг 5 қитъасидан келадиган ҳарбий дзюдочилар ўртасидаги дунё биринчилигига тайёргарлик кўришяпти. Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов терма жамоамиз машғулотини бевосита кузатди ҳамда мураббий ва дзюдочилар билан суҳбатлашди.

Маълумот учун, Халқаро спорт кенгаши (CИСМ) бир нечта спорт тури бўйича мунтазам равишда турли даражадаги мусобақалар, хусусан жаҳон чемпионатларини ўтказиб келмоқда.

Жумладан, ташкилот томонидан шу кунгача дзюдо бўйича 41 та жаҳон чемпионати ташкил этилган. 2021 йил Франция, ўтган йили эса Доминикан Республикаси ушбу дунё биринчилигига мезбонлик қилганди.