Эдди Хирн: "Фьюри P4P рейтингида биттагина жангчи устидан ғалабалар қозонгани сабаб кўтарилиб бораётгани ғалати"

"Matchroom Boxing" компанияси раҳбари, таниқли промоутер Эдди Хирн WBC чемпиони Тайсон Фьюри ҳақида гапирди.

"Ҳозирги вақтда, Фьюрининг манзилига қандайдир ёмон гап айтиш жуда қийин. Аммо, менимча Фьюри P4P рейтингида биттагина жангчи устидан ғалабалар қозонгани сабаб кўтарилиб бораётгани жуда ғалати. Ўзини буюк оғир вазнли боксчи деб аташ учун, боксчи ўз даврининг энг кучли боксчиларини мағлуб қилиши керак. Бундай боксчининг ҳисобида бошқалардан ажралиб турадиган ғалабалар бўлиши лозим. Нима бўлганда ҳам, Тайсон охирги жангини ажойиб ўтказди", -дейди Эдди Хирн.