Эдди Хирн: «Фьюри - Уайлдер трилогияси яна кечиктирилса, Фьюри WBC камаридан маҳрум қилиниши керак»

Фьюри, 2020 йил февралидан бошлаб, Деонтей Уайлдердан WBC жаҳон чемпионлигини қўлга киритганидан сўнг камарни ҳимоя қилмаган.

Уайлдер билан трилогия 2020 йилга режалаштирилган эди, аммо у CОVID-19 пандемияси туфайли бир неча бор қолдирилди. Баъзи қонуний муаммолардан сўнг, трилогия июль ойига қолдирилди. Кейинчалик, Фьюрининг CОVID-19 учун топширган тести ижобий натижа берганида жанг яна бир бор ортга сурилди.

Тўқнашув энди 9 октябрь куни Лас-Вегасдаги Т-Моbile аренада бўлиб ўтиши режалаштирилган. Уайт вақтинчалик WBC чемпиони. Агар Фьюри камардан маҳрум қилинса, Уайт автоматик равишда жаҳон чемпионига айланади.

Аммо Хирнни 25 сентябрь куни мажбурий даъвогар Александр Усик билан жанг қиладиган мижози Энтони Жошуанинг Фьюри - Уайлдер жанги ғолиби билан тўқнаш келиши кўпроқ қизиқтиради. Британиялик промоутер трилогия жанги яна ортга сурилишидан қўрқади.

«Бу жанг бўладими? Биз Амарикадаги анонсни 16 октабрь куни эълон қилмоқчимиз ва бу олти ҳафта давом этади, лекин у Фьюри ва Уайлдер трилогияси каби катта кард эмас», - деди Хирн The Sun нашрига.

"Улар чипталарни сотишмаган ва жанг атрофида ҳеч қандай шов - шув йўқ. Ишончим комилки, агар шундай бўлса, одамларга бу ёқади ва улар томоша қилишади, лекин ҳеч ким Вегасга учмайди. Менимча, иккинчи жангга келганларнинг 75 фоизи Британиядан учиб келганлар эди ва ҳозир оддий мухлислар буни қила олмайди. Мен бу учрашувнинг бўлишини 100 фоиз хоҳлайман. Мен ғалаба қозонишни хоҳлайман, шунинг учун биз Энтони Жошуанинг мутлақ чемпионлик учун жангини ўтказишга ҳаракат қиламиз. Агар бундай бўлмаса, WBC ниҳоят Фьюрини танаффусга қўйиши керак. Фьюри 2020 йил февралидан буён бокс тушмаган ва агар у октябрь ойида жанг қилмаса, бу камар охирги марта ҳимояланганига деярли икки йил бўлади. Диллиан Уайт вақтинчалик чемпион сифатида имкониятга лойиқ эди”, - деди Эдди Хирн.