Екатерина Гейниш ва Дмитрий Чигирев иштирок этадиган Канада Гран-присининг барча жуфтликлари билан танишинг

Мусобақанинг жуфтлик дастурида Ўзбекистон терма жамоаси аъзолари Екатерина Гейниш ва Дмитрий Чигирев ҳам иштирок этади.

"ISU GRAND PRIX SKATE CANADA-2024" мусобақаси гран-прилар сериясининг иккинчи босқичи ҳисобланади. У Гейниш ва Чигирев жуфтлиги учун дебют гран-при бўлади. Бу босқичда 5 мамлакатнинг 6 жуфтлиги иштирок этади.

Барча жуфтликлар:

1. Анастасия Гольюбова/Эктор Гьётопулос Муур (Австралия)

2. Келли Анн Лоурин/Лукас Этьер (Канада)

3. Динна Стеллато-Дудек/Максим Дешам (Канада)

4. Анника Хокке/Роберт Кункель (Германия)

5. Эмили Чан/Спенсер Акире Хоу (АҚШ)

6. ЕКАТЕРИНА ГЕЙНИШ/ДМИТРИЙ ЧИГИРЕВ (ЎЗБЕКИСТОН).

Маълумот ўрнида, фигулари учиш спорт турида Гран-прилар — бу жаҳондаги энг яхши фигурали учувчилар ўртасида ўтказиладиган йиллик мусобақалар тўпламидир. Улар 6 босқичдан иборат бўлади. Ҳар бир босқичда спортчилар учун эгаллаган ўринларига қараб, 3 баллдан 15 баллгача берилади. Олти босқич якунига кўра, энг яхши 6 нафар спортчи ёки жуфтлик финал босқичида иштирок этади. 

Эслатиб ўтамиз, Екатерина Гейниш ва Дмитрий Чигирев жуфтлиги сентябрь ойида Ўзбекистон терма жамоаси учун ўзларининг илк мусобақасида — "Челленжер" туркумидаги "John Nicks Pairs Challenge International" турнирида қатнашиб, учинчи ўринни эгаллашган эди.