Эквадордаги жаҳон чемпионатини кумуш медаль билан бошладик + ФОТО

Дунё биринчилигида сайёрамизнинг 5 қитъаси 63 давлатидан жами 373 (208 эркак, 165 аёл) нафар дзюдочи иштирок этяпти. Улар орасида Ўзбекистон терма жамоаси дзюдочилари ҳам жаҳон чемпионати медаллари учун курашга киришишди.

Қувонарлиси, илк кунги беллашувлар терма жамоамизга кумуш медални тақдим этди. -66 кг вазн тоифасидаги баҳсларда юртимиз шарафини ҳимоя қилган Азизбек Ортиқов финалга қадар мағлубиятсиз етиб бориб, кумуш медаль соҳибига айланди. У жаҳон чемпионлиги учун кечган муросасиз беллашувда тожикистонлик Нурали Эмомалига имкониятни бой берди. 

Шунингдек, биринчи кунги баҳсларда ҳамюртларимиздан Ҳалимажон Қурбонова (-48 кг), Умида Жуманиязова (-52 кг) ва Замоҳшари Бекмуродов (-60 кг) ҳам ўз маҳоратини намойиш этди.