01 июл 16:49
Янгиликлар

Футбол

Элдор Шомуродов "Рома"га қайтди

Ўтган мавсумнинг иккинчи ярмини "Специя"да ўтказган "Рома" ҳужумчиси Элдор Шомуродов Рим клубига қайтди.

"Специя" ўзбекистонлик ҳужумчини шу йилнинг 30 январида мавсум сўнггига қадар ижарага олган эди. Форварднинг битими кеча, аниқроғи 30 июнда ўз якунига етди. Клуб мавсум сўнггига кўра B Серияга тушиб кетди.

Шомуродов Специя клуби сафида барча мусобақаларда жами 16 та ўйинда майдонга тушиб, 1 та гол ва 2 та ассист қайд этди.

Эслатиб ўтамиз, футболчининг "Рома" билан шартномаси 2026 йилнинг 30 июнига қадар мўлжалланган. Клуб ҳужумчини 2021 йилда "Женоа"дан 18 млн евро эвазига харид қилган.