Елена Исинбаева: “Ўзбекистонда кўпроқ вақт ўтказишни истайман”

Бугун Миллий олимпия қўмитасида Елена Исинбаева иштирокида матбуот анжумани ташкил этилди. Унда Оммавий ахборот воситалари ходимлари ўзларини қизиқтирган саволлар билан мурожаат қилишди.

Ўзбекистон ҳақида
Мен илк маротаба Ўзбекистондаман. Ушбу ҳамкорлик учун, илиқ кутиб олишгани ва албатта меҳмондўстлик учун миннатдорчилик билдираман. Барчага раҳмат. Бу ерда кўпроқ вақт ўтказишни истайман. Мамалакатингизга спортга юқори эътибор қаратилмоқда. Осиё ўйинларини қабул қилиш йўлида ҳам сизга омад тилайман.

Фарзандларингизни ҳам спортга берасизми?
Катта қизим ярим йилдан буён спорт гимнастикаси билан шуғулланмоқда. Улар катта бўлгани сари танловни ўзлари амалга оширишлари мумкин бўлади. Ўғлим эса хоккейчи бўлиб, юртимиз байроғини кўкларга кўтаришини истардим. Турмуш ўртоғим иккимиз шуни ният қилганмиз.

Катта спортга қайтиш истаги
Бу истак жуда катта. Спортдаги ғалабадан кейинги ҳисларни тасвирлаб беришим қийин. Мен бугунги кунда ХОҚ таркибида фаолият олиб боряпман. Кузатув кенгашида. Спортда барча ғалабалар тоза, ҳалол бўлишини истайман. Спорт бугунги кунда нафақат хобби, балки касбга айланиб улгурган. Мен шундоқ ҳам спортни ичидаман.

Мураббий сифатида ўзини синаб кўриш
Бу борада албатта хоҳиш бор. Бироқ, бу иш машаққатни талаб қилади. Мен ҳозирча бунга тайёр эмасман. Мураббийлар ўз шогирдларининг муваффақияти учун ўзларини қурбон қилишлари лозим бўлади. Бу ишга алоҳида ёндошув талаб қилинади. Умуман, спортчи бўлиш қурбонлик талаб қилади. Мен спорт орқали кўп нарсага эришдим.

Қатъий тартибсиз натижа бўладими? Ёш спортчиларга тавсиялар
Қатъий тартиб орқали албатта муваффақият бўлади. Олимпия ўйинлари, жаҳон чемпионатлари, рекордлардан сўнг сен суперюлдузсан. Мен бахтлиман. Бу кеча бўлганди. Бугун эса янги кун. Хеч қачон бўшашмаслик лозим. Машғулотларда давом этиш керак. Тўғри, дўстлар билан ўйин-кулги, клублар, туғилган кунлар йўқ бўлади. Қисқа қилиб айтадиган бўлсак, кечаги натижа тарихга айланиб бўлди. Ёш спортчиларга маслаҳатим шуки, қандай маррага эришишдан қатъий назар тўхтаб қолмаслик керак.
Ота-онам фарзандлари спортчи бўлишини истагандилар. Аммо, у бир кун келиб Олимпия ўйинлари ғолибига айланишини тасаввур ҳам қилмагандилар.

Старт олдидан ўзини қандай тайёрлайди?
Йўқ, бу сирни айтмайман. Энди болаларим бор (кулади). Ҳар ким ўзини турлича тайёрлайди. Кимдир чуқур нафас олади, кимдир қайсидир сўзларни эслайди.

Сиёсатчи бўлиш истаги борми?
Йўқ. Мен ўзим тушунадиган соҳам – спортнинг ичида бўламан.


Азиз Тўхтамуродов