24 июл 08:16
Янгиликлар

Теннис

Елена Остапенко ўз уйидаги турнирда ютқазиб қўйди

Латвиянинг Юрмала шаҳрида теннис бўйича WTA турнири давом этмоқда.

Кутилмаганда Латвиянинг биринчи рақамли теннис маликаси Елена Остапенко илк давра учрашувидаёқ мағлубиятга учради. 22 ёшли Остапенко 1 соату 6 дақиқа давом этган баҳсда америкалик Бернард Перага ютқазди - 2/6, 1/6.

Ҳозирда Елена дунё рейтингида 83, 24 ёшли Бернард эса 74-ўринни эгаллаб турибди. Бу теннисчиларнинг ўзаро илк учрашуви эди. Энди америкалик теннисчи Baltic Open турнирининг иккинчи даврасида қозоғистонлик Елена Рибакинага қарши кортга чиқади. Елена биринчи босқичда хитойлик Хань Синьюндан устун келди - 6/1, 6/2.