18 май 11:55
Янгиликлар

Теннис

Елена Остапенко Рим WTA 1000 турнири 1/2 финалида

Дунёнинг 20-ракеткаси Елена Остапенко Римда давом этаётган нуфузли турнир ярим финалчисига айланди.

Латвиялик теннис маликаси чорак финал баҳсида WTA рейтингида 35-поғонада бораётган испаниялик Паула Бадосани уч сет натижасига кўра мағлубиятга учратди - 6/2, 4/6, 6/3.

Елена теннисчиларнинг ўзаро учрашувларидаги ҳисоб мувозанатини тиклади - 2:2. Бир соату 50 дақиқа давом этган баҳсда Остапенко ҳам, Бадоса ҳам 4 тадан эйс зарабсини амалга оширишган. Энди Елена Остапенко финал чиптаси учун қозоғистонлик Елена Рибакинага қарши кортга чиқади.