05 июл 10:05
Янгиликлар

Теннис

Елена Рибакина "Уимблдон"да муваффақиятли старт олди

Дунёнинг учинчи ракеткаси Елена Рибакина Уимблдон турниридаги иштирокини ғалаба билан бошлаб олди.

Қозоғистонлик теннис маликаси илк босқичда WTA рейтингида 49-поғонадан жой олган америкалик Шелби Рожерсни 4/6, 6/1, 6/2 ҳисобларида мағлубиятга учратди. Теннисчиларнинг ўзаро учрашувларида Елена олдинда бормоқда - 4:2.

Бир соату 45 дақиқа давом этган баҳсда Рибакина 12, Рожерс эса 2 та эйс зарбасини амалга оширган. Энди у иккинчи даврада франциялик Ализе Корне ёки япониялик Нао Хибинога қарши кортга чиқади.