Элина Свитолина Монтеррейдаги юришини тўхтатди

Дунёнинг 35-ракеткаси Линда Носкова мусобақанинг 1/2 финалига йўл олди. Чехиялик теннис маликаси 1/4 финалда WTA рейтингида ўзидан 7 поғона юқорида бораётган украиналик Элина Свитолинани икки сетда ҳам бир хил ҳисобда мағлубиятга учратди - 6/4, 6/4.

Теннисчиларнинг ўзаро иккинчи учрашувида ҳам Линда ғалаба қозонди - 2:0. Саксон икки дақиқа давом этган баҳсда Носкова 3, Свитолина 2 та эйс зарбасини амалга оширган. Қўшхатолар Линадада кўпроқ бўлди - 4 га 2. Брейклар бўйича устунлик ҳам айнан у томонда - 2 га 0! Энди у 1/2 финалда америкалик Эмма Наваррога қарши кортга чиқади.