Емельяненконинг навбатдаги жанг учун гонорари маълум

Сўнгги пайтларда боши муаммодан чиқмай қолган Емельяненко таниқли блогер Артем Тарасовга қарши жанг ўтказади. Бу жанг учун у 100 минг доллар гонорар олади. Бу ҳақида унинг менежери Азамат Бостанов хабар берди.

"Артем Тарасовга қарши жанг гонорари қониқарли. Ҳар ҳолда бу Александр Емельяненко, у эса текинга жанг ўтказмайди. Саша 100 минг долларга эга бўлади. Бу яхши ишчи гонорар", - дейди Бостанов. 

Аммо, Емельяненконинг рақиби бошқа сумма ҳақида гапирди.

"Гап катта гонорар ҳақида кетмоқда. Билишимча, Емельяненкога 10 миллион, менга эса 5 миллион рубль гонорар ваъда қилишмоқда. Бу шахсан мен учун фаолиятимдаги энг катта гонорар бўлади", - дея "Ушатайка" каналига интервью берган Тарасов. 

Аввалроқ, Александр Емельяненко - Артем Тарасов жангининг яқин бир ой ичида ўтказилиши маълум қилинганди. Шартномага кўра жанг бокс қоидалари асосида, лекин ММА қўлқопларида ташкил этилади.