11 июн 13:33
Янгиликлар

Теннис

Эмма Радукану Queen's Club`да муваффақиятли старт олди

Лондон шаҳрида теннис бўйича WTA 500 тоифасига кирувчи нуфузли турнир давом этмоқда.

Дунёнинг 37-ракеткаси бўлиб турган Эмма Радукану ўз юртида ўтаётган мусобақадаги иштирокини енгил ғалаба билан бошлади. Британиялик теннис маликаси илк даврада WTA рейтингида 112-поғонада бораётган испаниялик Кристина Букшани 6/1, 6/2 ҳисобида таслим этди.

Радукану бу билан теннисчиларнинг ўзаро учрашувларидаги ҳисоб мувозанатини ҳам тиклади - 1:1. Олтмиш беш дақиқа давом этган баҳсда Радукану 2, Букша 3 та эйс зарбасини амалга оширган. Иккала теннис маликаси ҳам биттадан хатога йўл қўйган. Брейклар бўйича мутлақ устунлик Эмма томонида бўлди - 4 га 0.