18 окт 13:47
Янгиликлар

Теннис

Энди Маррейнинг Антверпендаги юриши давом этади

Британиялик теннисчи Энди Маррей Бельгиянинг Антверпен шаҳрида ўтказилаётган турнирнинг чорак финалига йўл олди.

ATP рейтингида 243-поғонадан жой олиб турган собиқ биринчи ракетка иккинчи давра учрашувида уругвайлик Пабло Куэвасга қарши кортга чиқди. Дунёнинг 45-ракеткаси бўлиб турган Пабло ушбу баҳсда 4/6, 3/6 ҳисобида ютқазди.

Учрашув 1 соату 23 дақиқа давом этган. Энди 12 та, 33 ёшли Куэвас эса 14 та эйс зарбасини амалга оширган. Икки теннисчининг ўзаро учрашувларида Маррей 3:0 ҳисобида олдинда бормоқда. Энди European Open турнирининг чорак финалида руминиялик Мариуш Копилга қарши кортга чиқади.