Энди Руиз оғир вазн тоифасида дунёнинг энг яхши боксчиси кимлигини айтди

Оғир вазн тоифасида собиқ жаҳон чемпиони Энди Руиз айни дамда кимни энг яхши оғир вазн чемпиони деб билишини айтди.

Мексикаликка кўра, бу WBC камари соҳиби Тайсон Фьюри. Руиз яқинда Деонтей Уайлдер билан чемпионлик учун курашда "Лўлилар қироли"нинг жангини юқори баҳолади.

"Уайлдер ва Фьюри ажойиб жанг ўтказишди. Улар юқори темпда бокс намойиш қилишарди ва мен улардан қайси бири ғалаба қозонишини тушунмадим. Деонтей ютқазди, аммо характер кўрсатди, таслим бўлмади ва жангга киришди. У йиқилганидан сўнг ҳар доим ўрнидан тура олди. Фьюри учун шляпамни ечаман. У ўз ишини қилди. Менимча, Тайсон айни дамда дунёнинг оғир вазн тоифасидаги энг яхши боксчиси”, - дея Руиздан иқтибос келтиради Boxing Scene.