Енгил атлетика. Ўзбекистон чемпионати бўлиб ўтди

Чемпионатнинг узунликка, баландликка ва уч ҳатлаб сакраш баҳсларида Роксана Худоёрова ҳамда Надия Дўсанова хотин-қизлар ўртасида биринчи ўринни қўлга киритди. Мазкур йўналишларда эркаклар ўртасида Никита Логинов, Иван Денисов ва Дмитрий Мильситов олтин медалга сазовор бўлди.

Найза, ядро, диск ва босқон улоқтириш бўйича Наргиза Қўчқорова, Ольга Глуховкина, Светлана Прошкина, Анастасия Асланиду, Бобур Шокиржонов, Григорий Камуля, Иван Маркелов ва Жалолхон Тиллаволдихўжаевга тенг келадиган топилмади.

100, 110 ва 400 метр масофага тўсиқлар оша югуришда Эргаш Нормуродов, Мурод Муҳаммадрасулов, Александра Юркевская ва Наталья Асанова шоҳсупанинг энг юқори поғонасига кўтарилди.

10 километрга спортча юриш бўйича Диана Яфасова ҳамда Шоҳрух Саломов маррага биринчи бўлиб етиб келган бўлса, ушбу масофага югуришда Роман Штукан ва Екатерина Тунгускова ғолиб деб топилди.

Шунингдек, турли масофаларга югуриш баҳсларида Жалолиддин Ҳамроқулов, Анваржон Саримсоқов, Сардор Бахтиёров, Сиёвуш Маҳмудов, Мирсаид Бухоров, Сабина Шириева, Фарида Солиева, Карина Абдуллаева, Сабина Талачева, Муаттар Баратова барча рақибларини ортда қолдириб, ғолибликни қўлга киритди.

Хотин-қизлар ўртасидаги еттикураш баҳсларида Вероника Шетинина, эркаклар ўртасидаги ўн курашда Азиз Саиджонов биринчи ўринни эгаллади.