Енгилмас боксчимиз WBC камарига жанг қилиш учун Москвага жўнаб кетди + ФОТО ва ПОСТЕР

Бугун тонгда "Оқтепа" бокс клуби аъзоси ҳисобланган 21 ёшли чарм қўлқоп устамиз мураббийи Зуфар Сулаймонов билан бирга Россиянинг Санкт-Петербург шаҳрига жўнаб кетди. Улар 2 сентябрь куни Москва шаҳрига етиб боришади. Чемпионлик жанги эса 4 сентябрь куни "Крилья Советов" спорт саройида бўлиб ўтади. 

Аввал хабар берганимиздек, Равшан Маҳаммаджоновнинг рақиби украиналик 20 ёшли Володимир Гордиенко бўлади. Ёшлар ўртасидаги WBC чемпионлик камари жуда ҳам муҳим ҳисобланади. Равшан бўлажак жангда ғалаба қозонса, рейтингда Топ-20га кириб олиши мумкин. 

Маълумот учун, Равшан Маҳаммаджонов проф рингда 10 та жанг ўтказиб, уларнинг барчасида ғалаба қозонган. Еттита жангда рақибларини муддатидан аввал мағлуб этган. Гордиенко эса проф боксда ўтказган 9 та жангининг 8 тасида зафар қучган. Учта жангни нокаут билан якунлаган. Ҳисобида битта мағлубият бор.