26 окт 12:47
Янгиликлар

Спорт курашлари

Эркин курашчимиз Шерзод Поёнов Жаҳон чемпионати совриндори

Нови-Сад (Сербия) шаҳрида спорт курашлари бўйича U-23 ёш тоифасидаги дунё биринчилиги ўтказилмоқда.

Мусобақанинг кечаги куни доирасида ўзбекистонлик эркин курашчи Шерзод Поёнов (92 кг) терма жамоамиз ҳисобига бронза медалини тақдим этди.

У учинчи ўрин учун кечган баҳсда украиналик рақиби Иван Чорнохузни 11:1 ҳисобида доғда қолдирди. Бу эркин курашчиларимизнинг мазкур ЖЧдаги илк медали бўлди.

Эслатиб ўтамиз, Шерзод Поёнов шу йилнинг август ойида Болгариянинг Самоков шаҳрида ўтказилган U-20 ёш тоифасидаги ЖЧда олтин медални қўлга киритган эди.