Эрон ЖЧ-2026 иштирокидан воз кечиши мумкинми? Спорт вазири вазиятга ойдинлик киритди

Вазирнинг сўзларига кўра, жамоанинг мундиалга бориши мамлакатдаги вазият ва хавфсизлик чораларига бевосита боғлиқ.

"Агар спортчиларимизнинг хавфсизлиги тўлиқ таъминланса, ҳукумат мамлакатдаги шароитларни ҳисобга олган ҳолда уларни Жаҳон чемпионатига юборишга рухсат беради. Бизнинг вазифамиз — терма жамоанинг тайёргарлигини қўллаб-қувватлаш ва барча логистика талабларини бажаришдир.

Вазият қанчалик барқарорлашса, мусобақада иштирок этиш эҳтимолимиз шунчалик юқори бўлади. Агар кескинлик ортиб борса, биз мавжуд эҳтиёжлардан келиб чиқиб қарор қабул қилишга мажбур бўламиз", — деди Доньямали.

Эслатиб ўтамиз, ЖЧ-2026 шу йилнинг 11 июнидан 19 июлига қадар АҚШ, Канада ва Мексика стадионларида бўлиб ўтади. Эрон терма жамоасининг иштироки сўроқ остида қолаётгани ҳақидаги хабарлар фонида, ФИФА захира вариантлари, жумладан, Италия иштирокидаги махсус турнир ҳақида бош қотираётгани ҳақида аввалроқ хабар берилган эди.