Эронда нима гаплар? Юсуповда навбатдаги "қуруқ ўйин", Машарипов тўлиқ ўйнади

Терма жамоамиз дарвозабони Ўткир Юсупов ва "Фулад" сафарда "Истиқлол Хузестон" меҳмони бўлди. Учрашув 0:0 ҳисобида якунига етди.

Яна бир ҳамюртимиз Жалолиддин Машарипов эса "Истиқлол" билан бирга "Чадормалу" меҳмони бўлди. Мазкур баҳсни Жалолиддин тўлиқ майдонда ўтказди. 72-дақиқада "Истиқлол" вакили Алиризо Кушки пенальтидан унумли фойдалана олмади ва учрашув 0:0 ҳисобида якунланди. Мазкур ўйинлардан кейин "Фулад" 25 очко билан 3-ўринда, "Истиқлол" эса 17 очко билан 9-поғонада бормоқда.

Эрон чемпионати

14-тур, 26.12.2024

"Истиқлол Хузестон" - "Фулад" 0:0

"Фулад": 1.Ўткир Юсупов, 2.Можтаба Нажжариан (М.Каземи, 46), 3.Сасан Ансари (с) (Э.паҳлеван, 65), 5.Мусса Кулибали, 6.Али Немати, 7.Муҳаммад Муҳаммади (М.асқари, 65), 17.Амир Сарабадани, 23.С.Таваколи, 27.Али Араби, 79.Сина Асадбеиги, 92.Чимба Лусиано (А.Қосиминажод, 85).

"Чадормалу" - "Истиқлол" 0:0

Амалга оширилмаган пенальти: А.Кушки 72 ("Истиқлол")

"Истиқлол": 1.Сайид Ҳуссайин Ҳуссайни, 6.И.Салими, 10.Рамин Ризоян (15.Абулфазл Замони, 90+1), 18.Милад Закипур (19.Густаво Бланко, 90+1), 20.Алиризо Кушки, 21.Гаэль Какута (99.Амирали Садеғи, 72), 22.Дидье Ндонг, 33.Абулфазл Жалоли, 55.Рафаэль да Сильва, 77.Жалолиддин Машарипов, 88.Араш Ризаванд (70.М.Баҳроминажод, 90+1).