27 фев 18:48
Янгиликлар
Каратэ
Эрта тонгда Анвар Бойназаров ҳамда яна бир ҳамюртимиз Karate Combat'да жанг қилади, ўша турнирда Кайо Борральо ҳамда яна икки таниқли жангчи иштирок этади
Эртага АҚШнинг Колорадо штати, Дэнвер шаҳрида жанговар каратэ бўйича Karate Combat 53 мусобақаси ташкил этилади.
Турнир доирасида ўзбекистонлик аралаш яккакураш устаси Анвар Бойназаров ҳамда Шохрух Холмуродов ҳам чиқиш қилади.
Бойназаровга мексикалик Луис Гуерреро рақиблик қилади, қизиғи ташкилотчилар Холмуродовнинг ким билан жанг қилиши ҳақида хабар беришмаган, аммо Шохрухнинг турнирда иштирок этиши расман маълум қилинган.
Karate Combat 53 мусобақасида UFC жангчилари Кайо Борральо ҳамда Брендан Аллен ҳам ўзаро беллашади. Бундан ташқари, UFC собиқ жангчиси Робелис Деспанье бразилиялик Рожжерс Соуза билан баҳс олиб боради.
Марказий жанг чилилик Артур Вергара ва Перу вакили Хесус Паукаркаха ўртасида кечади.
Жанглар тонгги 5:00 дан кейин бошланади.
Ҳавола :
Манба : olamsport.com
Фикрлар