23 ноя 19:45
Янгиликлар

Бокс/ММА

Эртага Хонтўраев жамоаси аъзоси Санжар Зокиров ONE FC'да жанг қилади

Эртага Таиланд пойтахти Бангкок шаҳрида жойлашган "Lumpinee Boxing" спорт мажмуасида One Friday Fights 42 турнири ўтказилади.

Мусобақанинг марказий жанги муай-тай қоидалари асосида ўтказилади. Унда таиландлик Саенчай Муайтайжим Бразилия вакили Жулио Лобо билан тўқнаш келади.

Биз учун аҳамиятлиси, мусобақа доирасида ўзбекистонлик ММА устаси, Хонтўраев жамоаси аъзоси Санжар Зокиров (8-0-0) ҳам жанг қилади. Ҳамюртимизга россиялик Заюндин Сулейманов (6-0-0) рақиблик қилади. Жанг 3 раунд этиб белгиланган.

Бу Зокиров учун ONE FC лигасидаги иккинчи жанг бўлади. У ўзининг дебют жангида филиппинлик Давид Банггуйгуйни (9-2-0) муддатидан олдин доғда қолдирган эди.

Эслатиб ўтамиз, Санжар Зокиров сўнгги жангини 29 октябрь куни Саид Гажимагомедовга қарши ўтказиб, очколар ҳисобига кўра зафар қучган эди.