06 июн 18:16
Янгиликлар

Теннис

Эшли Барти "Ролан Гаррос" ярим финалига чиқди

Франция пойтахти Париж шаҳрида ўтказилаётган "Катта Дубулға" туркумига кирувчи "Ролан Гаррос" турнири якуни сари яқинлашмоқда.

Бугун аёллар ўртасидаги баҳсларда ярим финалчилар номи маълум бўлди. Дунёнинг саккизинчи ракеткаси Эшли Барти чорак финалда рейтингнинг 14-поғонасидан жой олган америкалик Мэдисон Кизга қарши кортга чиқди.

Австралиялик теннис маликаси 1 соату 9 дақиқа давом этган учрашувда рақибасини 6/3, 7/5 ҳисобида мағлуб этди. Энди Эшли French Open ярим финалида бошқа бир америкалик теннисчи Аманда Анисимовага қарши баҳс олиб боради.