02 авг 15:01
Янгиликлар

Шахмат

Esports World Cup Chess турнирида кутилган чемпион

Саудия Арабистони пойтахти Ар-Риёд шаҳри мезбонлик қилган мукофот жамғармаси 1 млн 550 минг АҚШ долларидан иборат нуфузли шахмат турнири якунига етди.

Мусобақа бош соврини кутилганидек, норвегиялик жаҳон тожи соҳиби Магнус Карлсенга насиб этди. У ҳал қилувчи финал учрашувида франциялик Алиреза Фирузджага ҳеч қандай имконият қолдирмади. Финалнинг ҳар икки сетини 3:1 ҳисобида ўз фойдасига ҳал қилган Карлсен Esports World Cup Chess чемпионига айланди. У бош соврин билан бирга 250 000 доллар мукофот пулини ҳам қўлга киритди.

Алиреза 1/4 финалда ҳамюртимиз Нодирбек Абдусатторовни 3:1 ҳисобида таслим этганди. Учинчи ўрин учун кечган баҳсда эса америкалик Ҳикару Накамура ҳиндистонлик Аржун Эргаисидан 3,5:2,5 ҳисобида устун келди.