06 апр 13:13
Янгиликлар

Теннис

Estoril Open. Каспер Рууд ғалаба билан бошлади

Португалиянинг Эшторил шаҳрида теннис бўйича ATP турнири давом этмоқда.

Дунёнинг бешинчи ракеткаси Каспер Рууд мусобақадаги иштирокини ғалаба билан бошлаб олди. Норвегиялик теннисчи иккинчи давра учрашувида ATP рейтингида 147-поғонани эгаллаб турган португалиялик Жоао Соусадан устун келди - 4/6, 6/2, 6/2.

Икки соату 14 дақиқа давом этган баҳсда Рууд ҳам, Соуса ҳам 4 тадан эйс зарбасини амалга оширган. Энди Каспер Millennium Estoril Open турнирининг 1/4 финалида аргентиналик Себастьян Баесга қарши кортга чиқади. Баес ўз ўрнида ватандоши Педро Качиндан 6/4, 7/6(2) ҳисобида устун келди.