Етти карра Олимпия ўйинлари чемпиони ЖЧ-2023 саралашидан ҳам ўта олмади

У шу йили Фукуокада сув спорт турлари бўйича ўтказиладиган жаҳон чемпионати саралашидан ҳам ўта олмади. У Индианаполисда ўтган АҚШ чемпионатининг эркин сузиш баҳсларида 22-ўринни эгаллади. Бу эса унга фақат C финалида старт олишигагина имконият берди, холос.

Бунга қадар 26 ёшли Дрессел Токиода чемпион бўлган икки йўналиши доирасида чемпионатда совриндорлар қаторидан ўрин ололмаганди. 100 метрга баттерфляй усулида сузишда 5-ўринни олган бўлса, 100 метрга эркин усулда сузишда эса ҳатто финалга ҳам чиқа олмаганди. 

Шунингдек, у чемпионатда Олимпия ўйинлари дастурига кирмайдиган 50 метрга баттерфляй услубида сузишда 3-ўринга эга чиқди. Америкалик ҳисобида шахсий тоифадаги медаллардан ташқари, Рио-де-Жанейро ва Токиода эстафетада қўлга киритган иккита олтин медали ҳам бор.

2017 йили Будапештда ўтган жаҳон чемпионатида Дрессел иккита олтин медални қўлга киритган ва кейинчалик 100 метрга эркин усулга сузиш мусобақаларидан кейин соғлиғидаги муаммолар сабаб турнирдан ғалати тарзда четлаштирилганди.

Бу йил бошлангунига қадар у жамият эътиборидан деярли йўқолиб қолди ва Флоридадаги таълимини ҳам бошламади. Дрессел май ойида Атлантадаги кичик турнирда қатнашиб, фаолиятини қайта бошлаганди. ЖЧ-2022даги иштирокдан сўнг мамлакат чемпионати у учун илк йирик турнир бўлди.