European Open. Зверев чорак финалга чиқди

Сайёрамизнинг бешинчи ракеткаси Александр Зверев иккинчи давра учрашувида рейтингнинг 67-поғонасидан жой олиб турган аргентиналик Федерико Дельбонисга қарши кортга чиқди. Германиялик 22 ёшли теннисчи 1 соату 45 дақиқа давом этган баҳсда 28 ёшли рақибини 6/4, 7/6(2) ҳисобида мағлуб этди. 

Энди Зверев European Open мусобақасининг ярим финал чиптаси учун сербиялик Филиип Крайиновичга қарши баҳс олиб боради. Крайинович иккинчи босқич учрашувида словакиялик Мартин Клижанни 6/7(6), 7/5, 6/1 ҳисобида таслим этди.