Европанинг энг яхши аёл жангчиси UFC’да дебют қилади

Словакиялик мағлубият нималигини билмай келаётган аралаш яккакураш устасининг рақибаси бразилиялик Таинара Лисбоа бўлади. Жабованинг шартнома имзолагани ва энг енгил вазн тоифасида дебют қилиши ҳақида вазиятга яқин бўлган манбалар хабар берди.

Tapology маълумотларига кўра, аёллар ўртасидаги Европа P4P рейтингида биринчи ўринни эгаллаб турган 28 ёшли Люсия Жабова Oktagon MMA байроғи остида барча ўнта профессионал ғалабасини қўлга киритган, унинг иштирокидаги фақат учта жанг ҳакамлар қарорига қадар етиб борган. Жабова охирги марта жорий йилнинг август ойида Люси Пудиловани ҳакамларнинг якдил қарори билан мағлубиятга учратганди.

Таққослаш учун, бразилиялик 35 ёшли Таинара Лисбоа UFC’да тўртта жанг ўтказган ва ҳозирда икки мағлубиятли серия билан келмоқда.