24 сен 13:22
Янгиликлар

Бокс/ММА

Фаолиятини деярли якунлаган Бобур Қурбонов UFC собиқ жангчиси билан тўқнаш келади (ПОСТЕР)

31 октябрь куни Россия Федерациясининг Москва шаҳрида қўлқопсиз жанглар бўйича IBA Bare Knuckle II турнири ўтказилади.

Мусобақада ўзбекистонлик MMA Series Лигаси собиқ чемпиони Бобур Қурбонов ҳам иштирок этади. Унга россиялик UFC собиқ жангчиси Денис Тюлюлин рақиб бўлади.

Жанг профессионал қўлқопсиз жанглари қоидаси бўйича ўтказилади (2 дақиқадан 3 раунд).

Тюлюлин 3 август куни Абу-Дабидаги UFC турнири доирасида ҳамюртимиз Нурсултон Рўзибоевдан енгилган америкалик Седрик Дюмага мағлуб бўлиб, UFC'ни тарк этганди.

Бобур Қурбонов эса охирги жангини ўтган йилнинг декабрь ойида Hardcore FC Лигасида грузиялик Торнике Сванидзега қарши ўтказиб, имкониятни бой берганди.