Фарғонада волейбол бўйича биринчи Марказий Осиё чемпионати бошланди

Мусобақанинг очилиш маросимида Ўзбекистон Республикаси Туризм ва спорт вазирлиги бошқарма бошлиғи З.Абдуллаева, Фарғона вилояти ҳокимининг ўринбосари, вилоят туризм ва спорт бош бошқармаси бошлиғи Х.Аҳмедов, Марказий Осиё волейбол конфедерацияси ҳудудий котиби Қ.Сарбагишов, Фарғона вилояти фахрий спортчилар уюшмаси раиси А.Отажоновлар сўзга чиқиб, чемпионат иштирокчиларига муваффақият тилади.

Шунингдек, очилиш маросимида бир гуруҳ фахрий ва номдор волейболчиларга Туризм ва спорт вазирлигининг эсталик совғалари топширилди.

Таъкидлаш керак, илк маротаба ташкил этилган Марказий Осиё чемпионати баҳсларида ён қўшниларимиз бўлмиш Қозоғистон, Қирғизистон, Тожикистон ҳамда мамлакатимизнинг эркаклар ва аёллар миллий терма жамоалари ғолиблик учун ўзаро мусобақалашмоқда.