08 май 10:43
Янгиликлар

Теннис

Файзиев Чимкентда россиялик таниқли рақибини мағлуб этди

Қозоғистоннинг Чимкент шаҳрида теннис бўйича "Челленжер" туркумига кирувчи турнир давом этмоқда.

Мусобақада иштирок этаётган ҳамюртимиз Санжар Файзиев иккинчи давра учрашувида россиялик Роман Сафиуллинга қарши кортга чиқди. Бир соату 37 дақиқа давом этган баҳсда Файзиев кучли рақибини 6:1, 7:5 ҳисобида мағлуб этди.

Таққослаш учун, Санжар дунё рейтингида 522, Роман эса 293-ўринни эгаллаб турибди. Энди Файзиев нимчорак финал учрашувида украиналик Илья Марченкога қарши баҳс олиб боради. Марченко ATP рейтингида 395-поғонани банд этган.