22 авг 17:46
Янгиликлар

Теннис

Файзиев Москва турнирида 1/4 финалга чиқди

Россия Федерацияси пойтахти Москва шаҳрида теннис бўйича "Фьючерс" туркумига кирувчи турнир давом этмоқда.

Соврин жамғармаси 15 000 АҚШ долларини ташкил қилувчи мусобақада уч нафар ҳамюртимиз ҳам ўз маҳоратини намойиш этяпти. Улардан биргина Санжар Файзиев чорак финалга етиб келди. Мусобақада иккинчи рақам остида таснифланган Файзиев ҳозиргина чорак финал йўлланмасини қўлга киритди.

Санжар 1 соату 9 дақиқа давом этган иккинчи босқич учрашувида россиялик Александр Биндани 6:1, 6:2 ҳисобида мағлубиятга учратди. Энди Файзиев чорак финалда турнирнинг бешинчи ракеткаси, россиялик Ален Авидзбага қарши кортга чиқади.