15 мар 18:00
Янгиликлар

Теннис

Файзиев Қозон турнири ярим финалида, Султоновда мағлубият

Россиянинг Қозон шаҳрида ўтказилаётган "Фьючерс" туркумига кирувчи турнир ўзининг ҳал қилувчи палласига кирди.

Соврин жамғармаси 25 000 АҚШ долларини ташкил қилувчи мусобақада ҳамюртларимиз Санжар Файзиев ва Ҳумоюн Султонов ҳам иштирок этяпти. Бугун яккалик баҳсларида чорак финал учрашувлари ўтказилди.

Турнирда олтинчи рақам остида таснифланган Султонов кутилмаганда латвиялик Мартин Поджусга 1:6, 1:6 ҳисобида имкониятни бой бериб қўйди. Файзиев эса исроиллик Бен Патаэлдан 7:5, 6:0 ҳисобида устун келди.