25 июл 15:02
Янгиликлар

Теннис

Файзиев Таиланд турнири яккалигида иккинчи учрашувини ўтказди

Таиланднинг Нонтабури шаҳрида теннис бўйича "Фьючерс" туркумига кирувчи турнир давом этмоқда.

Соврин жамғармаси 25 000 АҚШ долларини ташкил қилувчи мусобақада Санжар Файзиев ҳам иштирок этяпти. Ҳамюртимиз турнирнинг тўртинчи ракеткаси сифатида сараланган.

Афсуски, бир неча дақиқа аввал якунланган иккинчи давра учрашувида Файзиев мағлубиятга учради. Санжар уч сет давом этган баҳс якунида туркиялик тажрибали теннисчи Илхан Марселга 7:6(2), 4:6, 1:6 ҳисобида имкониятни бой берди.