24 июл 09:38
Янгиликлар

Теннис

Файзиев Таиланд турниридаги иштирокини ғалаба билан бошлади

Таиланднинг Нонтабури шаҳрида теннис бўйича "Фьючерс" туркумига кирувчи турнир давом этмоқда.

Соврин жамғармаси 25 000 АҚШ долларини ташкил қилувчи мусобақада Санжар Файзиев ҳам иштирок этяпти. Ҳамюртимиз турнирнинг тўртинчи ракеткаси сифатида сараланган.

Файзиев бундан бир неча дақиқа аввал якунланган илк давра учршувида таиландлик Пол Ваттанакулни 6:1, 7:5 ҳисобида мағлуб этди. Ушбу баҳс 1 соату 26 дақиқа давом этган. Бугун Санжар жуфтликлар учрашувида ҳам кортга чиқади.