Фазлиддин Ғоибназаров Ломаченко билан бир оқшомда рингга кўтарилади

Боксчимиз olamsport.com сайти мухбири билан суҳбатда навбатдаги жангини 26 июнь куни Лас-Вегасда ўтказишини маълум қилди. 

Маълумот учун, ўша шоунинг марказий жангида украиналик собиқ жаҳон чемпиони Василий Ломаченко ҳам рингга кўтарилади. "Лома" ўша куни япониялик Масаёши Накатанига қарши жанг ўтказади. 

Фазлиддин Ғоибназаров шу кунгача проф боксда 10 та жанг ўтказиб, уларнинг 9 тасида ғалаба қозонган (5 та нокаут). 1 маротаба мағлубиятга учраган. Охирги жангини 5 декабрь куни арманистонлик Манук Диланянга қарши ўтказиб, рақибини 8 раундлик жангда очколар эвазига мағлуб этганди.