27 июн 19:41
Янгиликлар

Теннис

Fed Cup формати ўзгаради, соврин жамғармаси 18 млн долларга етказилади

Келаси мавсумдан теннис бўйича аёллар терма жамоалари ўртасидаги Федерация Кубоги мусобақасининг формати ўзгаради.

Fed Cup мусобақаси аёллар терма жамоалари ўртасидаги норасмий жаҳон чемпионати ҳисобланади. Турнир формати худди эркаклар терма жамоалари иштирокидаги Дэвис Кубоги мусобақаси каби форматда ўтказилади.

Саралаш босқичларидан ўтиб келган 12 та терма жамоа бош соврин учун курашни давом эттиради. Бу жамоалар 2020 йилнинг апрель ойида бир ҳафта давомида Венгрия пойтахти Будапешт шаҳрида тўпланишади ва бош соврин учун кортга чиқишади. Мусобақанинг мукофот жамғармаси 18 миллион доллар бўлади.