06 авг 09:47
Янгиликлар

Теннис

Федерер 1000 ҳафтадан бери Топ-50 рейтингида!

Швейцариялик афсонавий теннисчи Рожер Федерер 1000 ҳафтадан бери АТР рейтингида Топ-50да бўлиб турибди.

Федерер ушбу натижаси билан яна бир рекордни ўрнатди. Айни пайтда рейтингнинг учинчи поғонасидан жой олиб турган тажрибали Рожер узлуксиз 1000 ҳафта давомида Топ-50 рейтингидан чиқиб кетгани йўқ.

Ушбу кўрсаткич бўйича иккинчи ўринни америкалик афсонавий теннисчи Жимми Коннорс банд этган. У 873 ҳафта мобайнида 50 нафар теннисчи сафида бўлган. Яна бир америкалик ракетка устаси Жон Макинрой эса 827 ҳафталик натижа билан кучли учликка якун ясаган.