28 янв 16:47
Янгиликлар

Теннис

Федерер 6 карра Australian Open турнири ғолиби!

Ҳозиргина Мельбурн шаҳрида “Катта Дубулға” туркумига кирувчи Australian Open мусобақасининг финал учрашуви якунига етди.

Ҳал қилувчи баҳсда швейцариялик Рожер Федерер ҳамда хорватиялик Марин Чилич ўзаро тўқнаш келишди. Уч соату 7 дақиқа давом этган драматик баҳсда дунёнинг иккинчи ракеткаси ҳисобланган Федерер 6:2, 6:7(5), 6:3, 3:6, 6:1 ҳисобида ғалаба қозонди.

Бу билан Рожер Федерер Australian Open турнирнинг олти карра ғолибига айланди. У “Катта Дубулға” туркумига кирувчи мусобақалардаги 20-титулини қўлга киритди. Австралия Очиқ чемпионатида эса олтинчи совринига эга чиқди.