22 июн 08:37
Янгиликлар

Теннис

Федерер Галледа уч сетдан иборат учрашув ўтказди

Германиянинг Галле шаҳрида ўтказилаётган майса қопламали турнир ўзининг ҳал қилувчи палласига кирди.

Сайёрамизнинг учинчи ракеткаси Рожер Федерер мусобақанинг ярим финалига йўл олди. Швейцариялик теннис афсонаси чорак финал учрашувида рейтингнинг 20-поғонасидан жой олган испаниялик Роберто Баутиста-Агутга қарши баҳс олиб борди.

Рожер 1 соату 53 дақиқа давом этган учрашувда 31 ёшли рақибини 6/3, 4/6, 6/4 ҳисобида мағлуб этди. Федерер ўзаро учрашувларда 9:0 ҳисобида олдинга чиқиб олди. Энди 37 ёшли Рожер Noventi Open турнирининг ярим финалида франциялик Пьер-Юг Эрберга қарши кортга чиқади.