08 май 07:19
Янгиликлар

Теннис

Федерер грунт мавсумини ғалаба билан бошлади

Испания пойтахти Мадрид шаҳрида теннис бўйича "Мастерс" сериясига кирувчи нуфузли турнир давом этмоқда.

Дунёнинг учинчи ракеткаси Рожер Федерер ўз иштирокини тўғридан-тўғри иккинчи даврадан бошлади. Швейцариялик 37 ёшли афсона рейтингнинг 39-поғонасини эгаллаб турган франциялик Ришар Гаскега қарши кортга чиқди.

Эллик икки дақиқа давом этган учрашувда Федерер рақибидан 6/2, 6/3 ҳисобида устун келди. Рожер ўзаро учрашувлар ҳисобини йириклаштирди - 18:2. Энди Федерер Mutua Madrid Open турнирининг учинчи босқичида венгриялик Мартон Фучович ҳамда франциялик Гаэл Монфис баҳси ғолибига қарши кортга чиқади.