31 дек 09:08
Янгиликлар
Теннис
Федерер янги мавсум режалари билан ўртоқлашди
Швейцариялик теннис афсонаси Рожер Федерер 2020 йилги мавсумда қайси турнирларда иштирок этишини маълум қилди.
Табиийки, дунёнинг учинчи ракеткаси йилнинг дастлабки “Катта Дубулға” туркумига кирувчи турнири - Австралия Очиқ чемпионатида қатнашади.
“Australian Open турниридаги иштироким билан янги мавсумни бошлайман. Кейин Жанубий Африка Республикасида ташкил этиладиган кўргазмали турнирга бораман. Шундан сўнг Дубай, Индиан-Уэллс, Майами, Богота, “Ролан Гаррос”, Галле, Уимблдон турнирларида иштирок этишни мақсад қилганман.
2020 йилги энг асосий мусобақам бу Токио Олимпиадаси бўлади. Кейин Цинциннати “Мастерс”, US Open, Лэйвер Кубоги, Шанхай ва Базелдаги турнирларга бораман. Ва албатта, Якуний турнирда қатнашишни истайман”, - дея Федерернинг сўзларини келтирмоқда Tennis World нашри.
Ҳавола :
Фикрлар